Хуванцрыг хязгаарлах хэлэлцээр үргэлжилж байна

Дэлхийн 175 орны төлөөлөгчид Хуванцрыг хязгаарлах гэрээ байгуулах зорилгоор БНСУ-ын Бусан хотноо чуулж байна.

Тодруулбал, хуванцар бохирдлын хүний эрүүл мэнд, байгаль орчинд үзүүлэх сөрөг нөлөөллийг бууруулах, далайн экосистемийг хамгаалах зорилго бүхий олон улсын эрх зүйн хүчин төгөлдөр баримт бичиг боловсруулах зорилго бүхий Засгийн газар хоорондын хэлэлцээ даваа гарагт эхэлсэн бөгөөд хорооны тавдугаар хуралдаан амжилттай үргэлжилж байна.

Энэхүү баримт бичиг нь хуванцрын үйлдвэрлэл, хэрэглээг бууруулах, хог хаягдлын зохистой, үр ашигтай менежментээр дамжуулан хуванцрын дахин ашиглалт, боловсруулалтыг нэмэгдүүлэхэд төвлөрч, үүнд чиглэсэн дэлхийн дахины хамтын ажиллагааг бэхжүүлж, үүрэг амлалт, хариуцлагыг нэмэгдүүлэхэд чухал ач холбогдолтой юм.

Байгаль орчныг хамгаалах, тогтвортой хөгжлийг дэмжих шинэ техник, технологи, инновацыг дэмжих бөгөөд хуванцрын амьдралын мөчлөгт оролцогч талуудын хариуцлага, хяналтыг нэмэгдүүлснээр энэхүү баримт бичгийн хэрэгжилт амжилттай болно гэж Засгийн газар хоорондын хэлэлцээний хороо үзэж буй юм.

Энэ ч утгаараа олон талт оролцоог баримт бичгийн төслийн боловсруулалтын бүхий л үе шатад хангаж буй бөгөөд хувийн хэвшил, иргэний нийгэм, төрийн бус байгууллага, олон улсын байгууллагууд боловсруулалтад хяналт тавьж, санал бодол, дуу хоолойгоо идэвхтэй илэрхийлсээр байна.

Монгол Улс хорооны гишүүний хувьд, баримт бичгийн боловсруулалтын үе шатад идэвхтэй оролцож, өөрсдийн байр сууриа илэрхийлж буй бөгөөд хуванцрын бохирдлыг бууруулж, хог хаягдлын зохистой менежментийг цаг алдалгүй авч хэрэгжүүлэхэд үндэсний онцлогийг харгалзан үзэх, олон улсын хамтын ажиллагааг нэмэгдүүлэх нь чухал юм.

Энэхүү тавдугаар хуралдаанаар баримт бичгийн төслийг хорооны гишүүн орнууд эцэслэн боловсруулж, олон улсын эрх зүйн хүчин төгөлдөр баримт бичиг болгох дараагийн үе шатад шилжүүлэх билээ.

The Intergovernmental Negotiation aimed at developing an international legally binding instrument to reduce plastic pollution, and its negative impacts on human health and the environment, with a particular focus on protecting the marine environment, is successfully underway as the fifth session of the Committee has commenced in Busan, Republic of Korea.

This instrument focuses on reducing the production and consumption of plastics and increasing the reuse and recycling of plastics through sound and effective waste management. It is crucial for strengthening global cooperation and commitment in this area.

The Intergovernmental Negotiating Committee believes that the successful implementation of this instrument will be achieved by promoting new technologies and innovations that protect the environment and foster sustainable development, as well as cby enhancing accountability and monitoring of stakeholders throughout the whole life cycle of plastics.

In this regard, multi-stakeholder participation is ensured at all stages of the draft instrument's development. The private sector, civil society, non-governmental organizations, and international organizations are acltively monitoring the progress of the instrument and voicing their opinions.

As a member of the Committee, Mongolia is actively participating in the development stage of the instrument and expressing its position. It is essential to consider national characteristics and enhnace international cooperation in reducing plastic pollution and implementing sound waste management without delay.

At this fifth session, member states will finalize the draft document, which will then be transitioned to the next stage to become an internationally agreed legally binding instrument.