Байгаль орчин, уур амьсгалын өөрчлөлтийн яам, Агаарын бохирдлыг бууруулах Үндэсний хороо хувийн хэвшилтэй хамтран халаалтын зуухыг сольж, яндан буулгах ажлыг эхэлж байна.
Өнөөдөр /2025.03.13/ Баянгол дүүргийн 23 дугаар хороонд байрлах 57 дугаар цэцэрлэгийн халаалтын зуухыг сольж, агаарын дулааны насос суурилуулах ажил эхэллээ.
Повертүүл ХХК-иас 170 мкв талбайтай тус цэцэрлэгт 24 кВт-ын хүчин чадалтай агаарын дулааны насосыг суурилуулж байна. Гадна агаарын энергийг шингээж, дулаан болгон ялгаруулдаг тус насос нь эрчим хүчний 50-60 хувийн хэмнэлттэй аж.
Нам даралтын зуухаар халаалтаа шийдэж, түлшиндээ сард 500-600 мянган төгрөг зарцуулдаг байсан 57 дугаар цэцэрлэг яндангаа буулгаж, ирэх даваа гаригаас эхлэн халаалт дулаанаа гар утсаараа удирддаг болно.
