Агаарын бохирдлыг бууруулах Үндэсний хорооны Ажлын албаны ахлах мэргэжилтэн Г.Даваажаргал, мэргэжилтэн А.Батмөнх нар өнөөдөр /2025.03.21/ Хайбрид Хаус ХХК-ийн захирал Ц.Бат-Эрдэнийг хүлээн авч уулзлаа.
Хайбрид Хаус ХХК-ийн захирал Ц.Бат-Эрдэнэ Монгол Улсад үйлдвэрлэдэг цахилгаан паараа танилцуулж, дулаалга, эрчим хүчний хэмнэлттэй халаалтын шийдлийн жишиг төсөл хэрэгжүүлэх боломжтойг хэлж байна.
Тус компани одоогоор 50 000 цахилгаан паар үйлдвэрлэж, 9 000 айл өрх, аж ахуйн нэгжид суурилуулжээ. Үүний 3000 нь монгол гэр аж. Монгол гэрийг дулаалж, цахилгаан паар тавихад 3 сая төгрөгийн өртөгтэй. Харин сарын халаалтын зардал ихдээ 40 000 төгрөг гарах бөгөөд үүнийг тэг төгрөг болгон бууруулах боломжтойг Ц.Бат-Эрдэнэ захирал танилцууллаа.
Учир нь цахилгаан паар дулааныг нөөцөлж хадгалдаг системтэй бөгөөд шөнийн хөнгөлөлтийн үед хадгалсан дулааныг өдөр ашиглаж, халаалтын зардлыг хэмнэх боломжтой аж.
