Агаарын бохирдлыг бууруулах Үндэсний хорооны Ажлын албаны дарга С.Даваасүрэнд өнөөдөр /2025.03.24/ Eco Mine systems ХХК-ийн удирдлагууд ЭКО төхөөрөмжөө танилцууллаа.
Автомашинд нэмэлтээр суурилуулдаг Эко төхөөрөмж нь шатахуун зарцуулалтыг 10-30 хувиар, яндангаас ялгарах хорт хийг 70-90 хувиар бууруулдаг АНУ-ын технологи юм байна.
Монгол Улсад одоогийн байдлаар 35 000 машинд Эко төхөөрөмжийг суурилуулсан бөгөөд цаашид жилд 20-30 мянган тээврийн хэрэгсэлд тавих зорилготой буйгаа Eco Mine systems ХХК-ийн гүйцэтгэх захирал А.Досан танилцуулав.
Автомашины хөдөлгүүрийн багтаамжаас хамаарсан таван төрөлтэй төхөөрөмжийг нэг удаа суурилуулаад 40 жил ашигладаг. Өөрөөр хэлбэл машинд шилжүүлэн суурилуулж, олон жил ашиглах боломжтой аж.
