Агаарын бохирдлыг бууруулах Үндэсний хорооны Ажлын албаны дарга С.Даваасүрэн, ахлах мэргэжилтэн Г.Даваажаргал нар өнөөдөр /2025.03.27/ ЖАЙКА-ийн Монгол дахь Төлөөлөгчийн газрын Байгаль орчин, гамшгаас урьдчилан сэргийлэх асуудал хариуцсан Суурин төлөөлөгч Ватарай Хирокатай уулзлаа.
Уулзалтаар нийслэлд түүхий нүүрс ашиглаж буй нам даралтын зуухуудыг шинэчлэхэд хамтран ажиллах боломжийн талаар санал солилцов.
Нийслэлийн төвийн зургаан дүүрэгт 100 кВт-аас дээш хүчин чадалтай, түүхий нүүрс ашигладаг 106 зуух ажиллаж байна. Эдгээрийн 64 нь төрийн байгууллагынх бол 42 нь хувийн эзэмшлийнх ч сургууль, цэцэрлэг, эмнэлэг, хорооны байр зэрэг обьектыг халаадаг зуух юм.
