Агаарын бохирдлыг бууруулах Үндэсний хороо, Байгаль орчин, уур амьсгалын өөрчлөлтийн яамнаас нийслэлийн төвийн зургаан дүүрэгт үйл ажиллагаа явуулдаг уурын болон усан халаалтын 136 зуухны технологийн шийдлийг өөрчлөхөөр ажиллаж байна.
Энэ хүрээнд маргааш /2025.03.19/-наас эхлэн 15-100 кВт-ын хүчин чадалтай зуух ашиглагч аж ахуйн нэгж, байгууллагад технологийн шийдэл танилцуулах цуврал уулзалтыг зохион байгуулна.
Уулзалтад Агаарын бохирдлыг бууруулах Үндэсний хорооны Ажлын алба, БОУАӨЯ-ны холбогдох албан тушаалтнууд оролцож, төрөөс баримталж буй бодлого, нэг хувийн татварын хөнгөлөлтийн талаар мэдээлэл өгнө.
Энэ үеэр үйлдвэрлэгч болон импортлогч аж ахуйн нэгжүүд уурын болон усан халаалтын зуухны шийдэл, тоног төхөөрөмжөө, арилжааны банкууд ногоон зээлээ танилцуулна.
Засгийн газрын 62 дугаар тогтоолоор ТЭЦ-II, III, IV, Амгалан ДЦС, Налайхын ДЦС, Сэлбэ дэд станцад түүхий нүүрс ашиглахыг зөвшөөрч, төр, хувийн хэвшлийн бусад халаалтын зууханд түүхий нүүрс түлэхийг хориглосон юм.
Уулзалтын хуваарь
2025.03.19-ны 10.00 цагт Баянзүрх дүүрэг /Жанжин клуб/
2025.03.20-ны 10.00 цагт Сүхбаатар дүүрэг /ЗДТГ-ын хурлын танхим/
2025.03.21-ний 13.00 цагт Хан-Уул дүүрэг /Соёлын төв/
2025.03.25-ны 10.00 цагт Чингэлтэй дүүрэг /НОБГ-ын хурлын танхим/
2025.03.27-ны 10.00 цагт Сонгинохайрхан дүүрэг
2025.03. 28-ны 11.00 цагт Баянгол дүүрэг /ЗДТГ-ын хурлын танхим/
